Madonna della Cava

Poesie in versi dialettali Pietrini 
Storia del ritrovamento dell'Effige della Madonna 

Lodi a Maria SS. della Cava Principale

Patrona di Pietraperzia ritrovata l’anno 1223 miracolosamente da un muto trapanese per essergli andata in sogno e ricevette la loquela 

Ricordo (leggendo questi versi scritti dal signor Liborio Torrenti, in dialetto Pietrino, che narra il ritrovamento dell’effige della Madonna della Cava dal muto trapanese, quando ragazzino insieme ai miei compagni di gioco, andavamo in giro per il paese, correndo e giocando spensieratamente), un vecchietto, me lo ricordo, sempre con uno scialle quadrettato sulle spalle e una spilla attaccata al lato sinistro del bavero della sua giacca che raffigurava la Madonna della Cava, ci chiamava e riuniva tutti intorno a lui e con una vocina fine e intonata, a cantilena e con vera professionalità ci recitava queste “Lodi a Maria SS. Della Cava”. Restavamo piacevolmente tutti incantati a sentirlo recitare. Con immenso piacere ricordo questi particolari della mia fanciullezza e con immenso piacere voglio trascriverli in questo blog, per far rimembrare a chi già ne è a conoscenza e nello stesso tempo per far conoscere a chi non li mai conosciuti le Lodi in versi dialettali del ritrovamento del quadro della Madonna e inoltre ricordare a tutti la memoria di questo nostro bravo e umile concittadino devotissimo alla Madonna della Cava.

1 Spirdissantu datimi na lumi ppi putiri sti versi precisari cristiani sintiti stu tinuri sti poisii ca mma studiari si ci aviti putiri dimparari sti cosi santi amma diri e a la Madonna l'amma a prisintari  3 Pirzisi tutti duvemmu partiri a la Cava amma ghiri a visitari cu porta torci e cu porta cannili l’Artaru ciamma a ghiri a priparari ie la Matri di li piccaturi ca li piccati nna da pirdunari ie nammagini di tantu valuri nessunu pitturi la po pitturari. 5 Pigliati un libru chhiù ranni ca sia liggirvi vuglu na passata si vi cuntu li cosi di Maria cianciri fazzu tutta la casata la Bedda Matri di ncelu viniva ppi essiri di stu munnu numminata a Trapani ntre un mutu si nni iva ccu l’Angiuli e li Santi accompagnata. 7 Iera so matri e mancu lu capiva chissa  iera na cosa a l’ampinsata di quantu movimenti ca faciva gridannu ha la testa traballata si parti la gran Vergini Maria e ci assacura l’appressu nuttata avi vint’anni ca promittiva di ma figliu la grazia fu data. 9 Lu mutu a chistu fattu si susiva ccu la so facci tutta traballata appena si susiva e si vistiva va nti so matri unn’era curcata ccu li lacrimi all’occhi ca cianciva cuntari nun ci putiva la passata l’afflitta matri puru si susiva la porta la truvava sbarracata. 11 S’arripusaru na bona nuttata ca ieranu stanchi assai di la via avinnu fattu na lunga camminata lu mutu arripusarsi nun putiva parti comu n’angiellu a la scappata tutta la chiurma appressu ca cci iva arrivata a la terra consacrata unn’era misa la Matri Maria.  13 Lu mutu appi la parola data grida viva la Vergini Maria chi festa si fici dda iurnata fu nti lu statu di Petrapirzia lu mutu appi da parola data grida viva la Vergini Maria: lu mutu cuietu nunn’aviva gridannu viva la Vergini Maria. 15 Tutti curriti dotti e sapienti e tutti chiddi di fotografia la t’affari na chiesa cca prisenti pagari vi la vugliu la mastria timpu nunn’ata perdiri di nenti si ccia da mintiri la Matri Maria ca ie mamma di Cristu Onnipotenti ie l’avvucata di Petrapirzia.  17 Ora si scrivi a chiddu ca si senti di li grazi fatti di Maria di grazii nni fa ura e mumenti ogn’unu guariti si nni iva ca festa cci faciva giustamenti lu preti la missa cci diciva sentiti chi successi timpu nenti l’hannu purtatu a Petrapirzia.  19 Di quantu camminavano cuntenti lu preti la littica dirigiva na malatia di lebra ncarnava cu lu vrazzu aggruccari si sintiva la pupulazioni sbarattata nessunu a chissi fatti cci cridiva tanti morsa la vittiru spizzata primu ca a lu paisi trasiva. 21 Lu pupulu currinnu arrabiatu contru lu paracu partuti a vasunati l’avivanu pigliatu pirduna amici mia in aiutu sul mumentu un vecchiettu s’ha prisintatu la varva bianca e un vastuni sciurutu dicinnu amici mia cch’è succidutu Maria in milli pezzi s’a spizzatu. 23 La pupulazione sbarattata cuntari vi vulissi amici mia l’arricuglimmu in scaffalata la so festa cummannata sia ci affaccia un vicchiareddu a l’ampinzata ca S. Giuseppi purtata la vuliva la pigliaru e si misiru ppi strada lu vicchiu avanti ca sapiva la via.  25 L’aggenti avinnu fattu matinata qualcunu ncampagna si nni iva la Chiesa aperta tutta illuminata nti lu mizzu la Vergini Maria ca cchi festa si fici dda iurnata nti lu paisi di Petrapirzia la chiesa la truvaru sbarracata di la fudda passari nin si putiva  27 Dicimmula na missa cantata dicimmucci lu rosari a Maria mentri la missa iera cilibrata la Bedda Matri li binidiciva li preti l’hannu fattu la pinsata ca chista cosa a d’iddi appartiniva cci purtaru na vara disignata cci l’hannu misu la Matri Maria.  29 O Vergini Maria di quantu ie bella ca nti lu munnu nun ci nni saria a la so Santa chiesa fu purtata mparadisu gran festa si faciva avinnu fattu na bona pridicata facimmucci li sabati a Maria a li quinnici d’agustu dda nuttata si fani festa in giubileu.  31 O cari amici vi cuntu na passata chiddu ca porta intellettu miu l’ha fattu Liboriu Torrenti di lu paisi di Petraperzia si puru ccitruvati ammancamenti mi scusati la Vostra Signoria o cari amici a tutti vi salutu vi lassu ccu la paci di Maria.

2 La matina di Trapani hannu partutu ca subitu a Marsala hannu arrivatu ppi Termini ncamminu s’annu misu a Vallilunga s’annu arripusatu ppi Santa Catarina hannu partutu a Cartanisetta s’annu prisantatu ppi sciumi sassu ncaminu s’annu misu prestu a Pietrapirzia hannu arrivatu. 4 Tutti li genti si misiru nsiduri di cursa la ficiru chidda strata di pupulu c’era un gran rimuri dicinnu c’è na mmagini truvata currimmu tutti d’ogni parti criaturi ca la cuscenza avimmu mmarazzata ma cce la mamma di nostru Signuri ca di celi nterra fu calata.                                                     6 Di Trapani cuntari vi vurria si vi piaci chista gran passata la Bedda Matri si  affaccia na nuttata comu na visioni cci pariva cci mparava li punti di la strata la matina lu mutu si susiva vo cuntari a so matri la passata.   8 O di grazia di n’alligria continuannu la terza nuttata iddu ccu la so vucca cci diciva comu cci vignu can un sacciu la strata rispunni la gran Vergini Maria cammina can un ti sbagli na pidata quantu angiuliddi a lu latu c’aviva c’insignaru unn’era cruvicata.  10 Chista ie na cosa di Cristu mannata oppuri di la Vergini Maria povira mamma afflitta e scunsulata ccu tutti li parinti ncumpagnia l’annu furmatu na bella brigata iddu davanti ca sapiva la via camminaru trii orna e na nuttata furu a lu statu di Petrapirzia. 12 Piglia na zappa bona ammarruggiata dda lali forza d’unni cci viniva scava du parmi e trova na valata ccu li lacrimi all’occhi ca cianciva la sulleva ccu forza spietata qualchedunu aiutari lu faciva subitamenti ca fu sprirata nnesci lu splinduri di Maria: 14 E li campani sunavanu in allegria a lu paisi viniva purtata Barrafranca ccu Petrapirzia comu currivanu tutti a la scappata Mazzarinu, vutera d’ogni via Terranova perfina la Licata l’Assaru, Ligunforti e Nicusia di un mutu trapanisi fu truvata.  16 Li capi nostri furu dda prisenti tutti a ddu locu santu in cumpagnia di quantu travagghiavanu cuntenti sempri prigannu la Matri Maria ognidunu cumannava li so genti picciotti travagghiamu in armunia ficiru na chiesa c aie tanta eccellenti biniditta di Cristu e di Maria.   18 Poviru preti misiru e scuntenti na littica priparata viniva c’apprissu c’era na carea d’agenti innu a pigliari la Matri Maria l’hannu pigliatu ddu locu prisenti e tutti quanti si misiru in via.   20 Lu parracu Lorenzu si chiamava la cuddana mmanu si mittiva na forti sirrittata ca cci dava la cuddana in cincu pezzi si faciva la mula davanti subitu scappava ca la littica nterra si nni iva na disgrazia a ddu postu camminava Maria in milli pezzi si faciva.  22 Un giovani ca sapiva beni parlari cuntannuci lu fattu cumu funi noviti paura amici cari cugliti li pizzittini in ginucchiuni a S. Giusee ca la t’appurtari dumani viniti a spunta di suli lu populu la notti nun durmiva tutta la notti stava a survigliari passannu e spassannu ppi la via fina ca vinni l’ura d’agghiurnari. 24 L’aggenti ieranu misi a la passata nessunu a S. Giuseppi can usciva subitu a la Chiesa fu arrivata di quantu grazii cuncidiva hannu ristatu suli dda nuttata lu vicchiu ccu la Vergini Maria la chiesa cci lassaru firmata ca lu sinnicu la chiavi tiniva.   26 L’agenti l’hannu fattu la pinzata lu vicchiu nti la chiesa nun si vidiva ma siccomu la cosa fu verificata lu S. Giuseppi nun si canusciva o la Vergini nti lu munnu saria o virgineddi cantati ccu mia la Bedda Matri ca iera spezzata ritorna tutta la so Signuria.  28 Lu sacristanu sona chiamata ca la Madonna la chiesa nisciva ccu la prucissioni accompagnata tutti vannu a la Cava in cumpagnia aprissu na gran musica accurdata ca l’arcipreti pridicannu iva l’hannu purtatu unni fu truvata la gran Signura Vergini Maria. 30 A lu novantacincu la matina lu Spirdissantu m’alluminava fici na storia ca ie tanta divina li parti di la Madonna di la Cava cu voli grazia di Maria cci li duna ca nnavi chini un fonti e na funtana cci l’amma diri na Salvi di Rigina a Maria di la Cava la nostra patruna.

Storia Liggindaria da' Madonna di la Cava 

Raccuntata in versi Siciliani 

Pietraperzia è una cittadina molto antica; si vanta infatti, leggittima erede della gloriosa "Caulonia", famosa per aver partecipato alle lotte tra Roma e Cartagine. E' ricca di opere pregevoli del Gagini, di Filippo Paladini ed altri autori. Famoso il castello dei principi Barrese, parecchie volte distrutto e riedificato. L'opera più importante è il quadro della Madonna della Cava, patrona di Pietraperzia; secondo l'opinione comune è opera di un ignoto pittore greco. E' un dipinto su pietra, raffigurante la Vergine che allatta il Bambino Gesù. Venne ritrovato, secondo la leggenda, da un muto di Trapani a cui la Madonna apparve, perchè andasse nei pressi della antica "Petra" (odierna Pietraperzia) ove il quadro era sotterrato. La leggenda afferma che il muto, appena trovò il quadro, acquistò la parola, gridò "Viva Maria!". L'opinione più comune è, che il quadro venne sotterrato al tempo dell'imperatore Leone Isaurico "l'Inoclasta" e precisamente nel 726 d.c., essendo Papa Gregorio II. Il ritrovamento avvenne nell'anno 1223. Quest'anno (1973) Pietraperzia festeggia il 750° anniversario del ritrovamento del pregevole quadro. Un dilettante poeta del Paese ha voluto descrivere in versi siciliani questa leggendaria storia, attingendo notizie sia dallo storico Padre Dionigi da Pietraperzia, sia da quanto di leggendario è stato tramandato attraverso i secoli della fantasia popolare. 

                                                                                                                    L' Autore 
                                                                                                      Parroco Lo Giudice Felice 

Questa è la prefazione che il Parroco, della chiesa Santa Maria Maggiore, Lo Giudice Felice scrisse su un librettino nel 1973, in occasione del 750° anniversario del ritrovamento del quadro della Madonna della Cava, che pubblicò alla cittadinanza, (oggi è diventato introvabile, il sottoscritto, pultroppo ne è sfornito e deve doverosamente ringraziare un amico, per la sua gentilissima concessione del file). Dopo la prefazione, inizia a raccontare la leggendaria storia  del ritrovamento del quadro con versi in dialetto siciliano. Buona lettura.

1 Sintiti cittadini d'un storicu paesi, oprai e cuntadini, però tutti pirzisi. 3 Un grandi avvenimentu, ca ora vi lu dicu, ppi lu ritruvamentu d'un quatru tantu anticu 5 C'era stampata viva, l'effige di la Madonna, na facci ca diciva: "Deh figliu, figliu torna!". 7 Vinniru timpi brutti, di persecuzioni, si vittiru li frutti di figli tantu boni. 9 Stu infami Imperaturi, di li mmagini nimmicu, ordina ccu fururi livar l'amuri anticu. 11 La genti tutta, ciangi, però nun c'è chi fari; Pirzisi nun ti cangi nemmenu ppi dinari! 13 Ti fazzu assai cuntenti, però anchi gabbatu, difatti nun c'è nenti: lu quatru è già sfumatu. 15 Lu quatru vinni avvoltu tra fibre risistenti, e ancora ddu beddu voltu... vitti figli pinitenti. 17 La fossa iera già pronta, ci cala lintamenti, scumpari anchi l'impronta di la mmagini viventi. 19 La stissa Bedda Matri, ca nterra nun voli stari, ritorna ppi cumpatri li figli a peni amari. 21 Du picciutteddi sposi maritatisi ccu amuri, inveci di li rosi truvaru peni duri. 23 Mutu poviru figliu, per giunta di baruni; porta gradi scumpigliu, si ciangi in ogni agnuni. 25 Quannu avia vint'anni, lu mutu trapanisi, tra spasimi e affanni, na vuci 'nsonnu ntisi. 27 Poi cci dici nsunnu: "Di dda a Petrapirzia, sepulta c'è  ntu  nfunnu mpittura effige mia. 29 Lu mutu trapanisi, lu dici ai genitori, però nun sunu ntisi d'un mutu li paroli. 31 Pirchì cchiù nun partisti figliu di lu me cori? rinunzia facisti a riciviri tesori?. 33 Cumincia a caminari cu ranni seguimentu, e sempri ci cumpari Gesuzzu nSacramentu. 35 E mentri ca camina vidi la strata tutta, la bedda Madonnina nsunna l'avia costrutta. 37 Iuncinnu a lu canali vitti ddi gran cannola e invita genti e armali arrifriscarisi la gola. 39 Lu mutu trapanisi arriva sopra un cozzu, fricannusi li manu camina a cchiu nun pozzu. 41 Si ferma tuttu ntrattu, e guarda tutt'intornu; vidi cumu un ritrattu a centru di ddu funnu. 43 Cci tremanu li manu e puru ghinocchia, e 'n mezzu a ddu gran chianu lu mutu s'inghinocchia. 45 Li servi custirnati nun sannu chi ci fari; e comu li dannati si misiru a circari. 47 Lu mutu si riprendi di la commozioni; lu suli gia risplendi a lu meridiuni. 49 Ah quantu cuntadini cci stavanu all'intornu, di li circunvicini perfettu a manzìornu! 51 Livata poca terra la zappa tocca duru, e ncapu di dda serra quasi facia scuru. 53 Doppu quarchi secunnu na donna chhiù che bella cumpari da ddu funnu splinnenti cumu stella. 55 Lu mutu nghinuccihuni ccu divozioni pia, cci duna un gran vasuni e grida: "Viva Maria!". 57 Si spargi la nutizia dù ranni avvenimentu, lu populu si delizia e iè tuttu contentu.

2 Lu quinnici d'Agustu c'è ccà, a Petraperzia, paratu ccu gran gustu: festa, cantu e puisia. 4 L'avianu suttirratu in cima a na cullina, pirch'era troppu amatu da l'intera cittadina. 6 Lu pirzisi richiamatu da Matri tantu pia, si trova nginucchiatu a li pidi di Maria. 8 Leoni Isaurìcu chiamatu Iconoclasta, Pirzisi, vi lu dicu? la cosa ca ci guasta!.... 10 Distrudiri l'immagini, fu ordini siveru, Pirzisi, ti lu mmagini... chi cori duru e neru!. 12 Chi fici lu Pirzisi di tempi assai luntanu? "Appizzaci li spisi..." ci dissi a lu sovranu! 14 Distruttu ppi daveru? ma mancu l'ha pinsari! Maria è amuri veru, no amuri ppi dinari. 16 Quantu vasati ardenti, lacrimi di figli amati! Oh figli sufferenti tra lacrimi e tra pianti! 18 Trascursi anni assai si persi la spiranza; però nun si sa mai, appari rimimbranza. 20 A Trapani la bella, cci stava na famiglia; nfelici come quella, è granni meraviglia. 22 L'unicu figliu caru, nascì senza parola; di ssu calici amaru, già, si nni parra ancora. 24 Si prega  a lu Signuri, ppi darci la parola; s'adura ccu caluri, a singhiozzu nni la gula. 26 Vitti poi na donna, ccu facci dulurusa ed era la Madonna, Matri tantu amurusa. 28 Lu vugliu ca ti parti e senza cci pinsari; priparati l'incarti: parti ppi mi truvari". 30 Ma na simana dopu la bedda gran Signuura, ppi iungiri a lu scopu cci cumpari ccu primura. 32 Parti immediatamenti, e  mittiti ncamminu, Livanti e lu Ponenti ti schiara lu caminu. 34 O ranni miu Signuri, l'immagin venerata la circu ccu arduri di la Matri Beata. 36 Iungi finalmenti quasi a Petraperzia, lu mutu allegramenti lu pedi lestu abbia. 38 Vippiru tutti quanti a dd'acqua duci e frisca; ringrazia Diu e li Santi c'ognunu sarrifrisca. 40 Tutti lu guardavanu ddu visu risolenti; lu mutu taliavanu, ma nuddu dici nenti. 42 Fissa un puntu precisu, ristà tanticchia fermu, di vulunta decisu... però trimanti e infermu. 44 Ppi la gran commozioni si vitti stramazzari, cchi bedda lezioni d'amuri e fidi rari!. 46 Circaru tecchia d'acqua ca subitu truvaru; l'avia unu ca spacca un lignu grossu e raru. 48 Vicinu c'è un viddanu, cci tira la zappudda, e ccu na zappa  'mmanu ritorna 'ni dda fudda. 50 Cafudda curpi duri ccu ranni bramosia, e tuttu ppi l'amuri di la Vergini Maria. 52 Lu quatru già cumpari, la brava cumpagnia, cumincia ad aiutari ccu gioia ed allegria. 54 Mbrazza avi un Bamminu ca suca a la mammella, un teniru visinu lucenti cumu stella. 56 Lu mutu trapanisi acquista la parola e a tutti li Pirzisi li sbalordisci ancora.

Lu quatru unuratu da Petrapirzia, Vutera, Chiazza e Mazzarinu

1 Tutta Petrapirzia appena ebbi sinturi, curriu da Maria ccu gioia e ccu grandi amuri. 3 Chi granni meraviglia truvarisi npittura facci accussì vermiglia, ca pari già 'n natura!. 5 Vinni anchi lu cleru di tuttu lu paisi, ccu cotta e abitu neru, persuni ca su ntisi. 7 Cchi bedda Madunnina quant'è deliziusa! è ducili e carina, vera Matri amurusa!

2 Lu seppi già Vutera, Chiazza e Mazzarinu; ppi la regia trazzera iungiri a lu distinu. 4 Pari ca guarda 'n visu li figli nnammurati, ch'amabili surrisu puru versu l'ingratu! 6 Guardanu lu gran quatru e restanu ncantati; e l'unu dici all'autru: "simmu meravigliati"! 8 Sarà tesoru nustru, e Matri duci e pia: dicimmuci u Patri Nostru... e anchi l'avimmaria

Lu cleru Pirzisi teni cunsigliu

1 Di poi l'Arcipreti, cci dici a li parrini nui simmu l'interpriti; di li Misteri Divini. 3 Vuliti la purtammu di ddà a Petrapirzia? iè giustuca gustammu, la sò prisenza pia!. 5 Di ccà na Cappilluzza fussi na cosa pia; passannu ogni armuzza dicissi: "Viva Maria!". 7 In coru s'arrispunni: "Purtammunilla ncasa!" vecchi picciotti alunni ognunu a idda vasa

2 Allura chi diciti di la 'mmagini Divina? iè giustu ca esponiti pariri stamatina. 4 Simmu tutti d'accordu rispusici un parrinu; lassammu ccà un ricordu di lu vuliri divinu. 6 La 'mmagini reali nveci a Petrapirzia, nun fussi cosa mali, ma n'opera giusta e pia.

 

Lu Quatru supra un carrettu tiratu di ‘na mula

Arriva a lu canali e si frantuma

1 C'è pronti già un carrettu tiratu di na mula: livammuni berrettu e isammu idda sula!. 3 S'arriva a lu canali: la mula ccà s'arresta; pariva ca un gran mali l'avia curputi ntesta. 5 Lu poviri carritteri stancu un ni po cchiuni dinanzi a sti misteri: "Eccu carrettu e funi!". 7 Tirau forti la briglia seguì na gran frustata, la mula già s'impiglia l'effigi nterra è andata.

2 L'effigi cullucata, seguita di la genti, iè beni accumpagnata da figli penitenti. 4 Paria paralizzata, e un passu un pò dari; lignati all'impinsata, però un c'è cchi fari. 6 Allura un sacirdoti ca lu so postu piglia, ci dici a li devoti: "l'afferru iu sta briglia!". 8 Si fici a mille pezzi e lagrima la genti; ma nun ci sunnu mezzi nemmenu esperimenti.

L'apparizzioni di lu Vecchiu 

1 Mentri su custirnati nun sannu cchiù chi fari, a figli amareggiati un vicchiu ci cumpari. 3 La bedda Madunnina, c'aviamu ritruvatu era tantu carina... lu quatru iè frantumatu. 5 Cuglitili si pezzi ccu diligenza pia, lu truverò li mezzi di darivi a Maria. 7 Appena arrivu ddani, a chiavi mi chiuditi, all'arba di dumani felici vi sintiti. 9 Era cumpleta tutta l'effigi di Maria; ma di lu gigliu sutta, manca na scaglia pia. 11 A la matina all'arba si misiru a circari, ddu vicchiu ccu la varba... ma iddu già scumpari. 13 O vicchiu vinirandu o sposu di Maria, Nui tamammu e quantu! to nnomu amatu sia!.

2 Pirchì figli emittiti lacrimi accussi amari? dicitimi cchi aviti, ppi ssi lacrimi asciucari. 4 Sintiti figli cari, scutati sti paroli: smittiti a lacrimari, scansati autri errori. 6 Poi mi li purtati ni dda Chisuzza pia, ca vuantri dedicati a lu Sposu di Maria. 8 Lu vicchiu tuttu biancu, ccu varba fitta e chiara, di supra un grandi vancu passau l'effigi rara. 10 Mancava ddu pizzettu ch'un puttiru truvari, rimasi su difettu ca si pò custatari. 12 Lu sposu di Maria, discisi di pirsuna ccu diligenza pia, li rutti pezzi aduna.

 

  Si fabbrica la Chisa

La Madonna ritorna a la Cava

1 Ritorna lu cunsigliu di tutti li parrini. O Diu cchi scumpigliu, hanu li cittadini!. 3 Fabbricammuci la Chisa unna fu ritruvata; dda unni fu misa, quannu fu suttirrata. 5 Si cogli tra la genti ppi farici la Cappella, e tutti su cuntenti di falla tantu bella. 7 Na petra porta e ognunu si misi a travagliari, e già migliaia sunnu l'oprai a fabbricari. 9 Tuttu 'nprocissioni iè lu cleriu du paisi; poi secuta l'azioni di lu populu Pirzisi

2 Si grida autu e forti: pigliammu la Madonna! ppi aviri li cunforti a la Cava s'arritorna. 4 Lu cleru fu cumpattu purtalla nà cullina di dda unni fu fattu, miraculu ssa matina. 6 Lu populu felici si misi a fabbricari e poi ognunu dici: "Ma ranni l'amma fari!". 8 Ncapu a pochi iorna la Chisa iè bella e lesta, cussi a la Madonna in Chisa si fa festa. 10 S'accumpagna la Madonna la ranni Bedda Matri, la quali si ni torna in Chisa ppi cumpatri.

Si cumengiano li Sabati a la Madonna

1 Quanti Pellegrinaggi si fannu ogni matina, sutta li caldi raggi, o duci siritina!. 3 Ncumencia lu Pirzisi a farici lu Sabatu, ccu finimenti appisi a speciali abitu. 5 La fidi si risveglia cu gran divuzioni; diventa sempri meglia la Santa Religioni.

2 Ma specialmenti a Maggiu, quasi ogni matina, si senti cumu un raggiu di la Matri Divina. 4 Quanti fistiggiaminti ccu musichi e ccu canti, a Matri unnipotenti di Diu e di li Santi!. 6 Ed ogni sudaliziu lu sabatu faciva; ed era lu deliziu di la stasciuni estiva.

L’auturi assisti a un sabatu di lu 1947
La grazia di quattru Pirzisi vinuti di la guerra

1 Lu diciassetti Maiu Di lu quaranta setti, c’era un paisi gaiu ppi lussu e ppi tuletti. 3 Un gruppu di picciotti Appena ci avvicinu, ci dicu: ”giovanotti, che bellu stu fistinu!”. 5 Puru ppi la Madonna? Riturnu a dumannari, “propriu ssa bedda Donna Vinimmu a ringraziari!. 7 Nui fummu bumbardati Cci fu carneficina Li giuvini salvati Si fummu… na dicina!”. 9 Nimmicu bumbardava Ccu tantu d’insistenza, di fila si trimava… spirannu l’esistenza. 11 “Mamma, sentu gridari! Aiutu, mamma mia! Vaiu ppi vutari… Mi tronu ‘ncumpagnia. 13 Ppi nomu nni chiamammu, ieramu tutti vivi… e forti n’abbrazzammu pirchì di morti privi. 15 Chissa, caru Patri, iè storia vera e pia; dimostra di chi Matri iè lu cori di Maria. 17 Sta storia all’insaputa Però reali e vera, mi vinni raccontata di Maggiu ‘nprimavera. 19 Ma lassami cantari Madonna di la Cava! Ppi sempri raccuntari: “Lu mutu… ‘terra scava…”

2 Sabatu di Madonna, ‘mpaisi si fisteggia, la guagliuneda adorna, tutta si pavoneggia. 4 Rispunni uno d’iddi E poi tutti quanti: “Nuantri simmu chiddi Vutati ppi li Santi!”. 6 Puru st’amici mia D’unicu battagliuni… Forsi na tinta spia, nni porta a distruzioni. 8 La santuzza addossu Madonna di la Cava, vagnatu sinu all’ossu ognuno la vasava. 10 Distrutta la Caserma, nessunu si salvau; cc una vucimalferma sintu a Pitru ca gridau. 12 St’autri du Pirzisi… Li truvu, accantu a mia Pua li vuci ndisi… Dicinnu Avimaria. 14 Lu tettu iera cadutu, un travu fici ponti, ca ‘npettu avia tinutu di grazia la fonti. 16 Di grazii similari Di storii puri e veri, npaisi nun su rari, n’esistinu a pirreri. 18 Ora chiudu sti parti Pirchì pueta nun sugnu, ma sulu un tingicarti… però nun mi cunfunnu.

Cappelle Votive Dedicate alla Madonna della Cava

Contrada Runzi
(Gentile concessione di Antonio Caffo)